أحبـك  قلتهـا بقلبـي .. وباحساسـي وبلسانـي
كثير قلـوب ترجيهـا .. ولكـن لا يهمّونـك
أحبك ما أبي غيرك .. ولـو غيـرك ترجّانـي
أنا شاريك ما بيعـك إذاغيـري يسومونـك
 أموت اشتاق لك كلي ..
أبيـك تـزور أعيانـي
خفوقي يا غلا ينزف وله
واشواق مـن دونـك
أطير من الفرح لا من لفـى صوتـك وحيّانـي
أحس اني أهم الناس لا من
قلتي : شلونـك ؟
  
ألوم النفس لا قلتي :
بكيت ومـا أحـد جانـي
أنا وش عاد يضحكنـي اذا العالـم يبكّونـك ؟
إلى منّك تضايقتي .. أنا
المسـؤول والجانـي
أنا المفروض ما أرضـى أخلّيهـم يزعلونـك
  
أحبك زود عن روحي عن
اعمامي عن اخواني
وباقي الناس يا عمري ..
تـرى والله يفدونـك
عليم الله لا قلتي
أحبك  .. زالت احزانـي
واذا قلتي : ( أحبك موت )
صحت وقلت : مجنونك
  
غدير الحب في قلبك .. حنان ولهفـة اروانـي
أذوب بهمسة ٍ عذرا ..
وأثبت إني مفتونك
أنا في دنيتي تايه .. ولا
ادري ويـن عنوانـي
ويوم اني عرفتك صار
عنواني هو : عيونك
  
أغار من امك وعمك .. وهذا
وذاك .. والثاني
أغار من اصغر اخواتك ولا ودّي يشوفونك
منى عيني أضمّك لي
وامســّــح ذيـك الاوجانـي
ألاعب خصلة ٍ يمنى ويسرى
تعتلي متونك
  
عيوني لو طلبتيها .. لقيت
الكـل .. هنّانـي
ترى روحي مع عيوني مناهم
بس .. يرضونك

هناك 6 تعليقات:

  1. هذا الاحساس بلحب لبى الي كتبها واكيد الحبيبه تستحق

    ردحذف
  2. مساء العطرlo0odi

    صح بوحك واحساسك

    مااروعكِ

    ومااروع كلماتك

    وان كنت لا أدري هل كتبت

    على لسان رجل

    بحق كلمات راقية ومعنى جميل للحب والغيرة

    شرفتني زيارة ركنك

    وسأكون متابعة لكِ بإذن الله

    دمتِ بحب وسعادة

    تحياتي

    ردحذف
  3. مساء النور همس الحنيين انتي الاروووع..
    ولييا الشرف لي تواجدك ف مدوونتي..
    وحيياك يالغلااا ف اي وقت كووني بالقرب دوومآآآ..
    ودي لك^_^

    ردحذف
  4. كلماتك عطرة
    تحمل احاسيسا دافئة صادقة
    بوح صافي لقلب عاشق
    تحياتي لقلمك الرائع ولكن الغريب هو بوحك بلسان رجل

    ردحذف
  5. يسلموو مصطفى منور مدوونتي..
    ههههههههههه ما الغريب الا الشيطاااان بس لان اللي كتبهاا رجل ^_^
    انا كتابااتي بحط علييها اسمي تحت ولكن اللي زي كده تكوون اهداء من احد اووو شي اعجبني وبث ^_^
    مرورك انااار مدوونتي كوون بالقرب دووومآآآ..
    ودي لك ^_^

    ردحذف