||~

العذاب اللي يزم القلب و الروح الشقيّه
ماتركني ما رحمني زاد فيني و اشتفاني
و السنين البيض راحت دون عقل او رويّه
كنها اللي ما تصدق يسكن الحزن بزماني
و الدموع اللي بعيني للأسف منّي و.فيّه
كم بكيت الناس لكن للأسف محدن بكاني
و الخيال اللي اعيشه زاد بالوجدان كيّه
 ما احتملته وهو خيال كيف لو صدقه دعاني ؟
و السهر ياهو رفيقي فارض ٍ نفسه عليّه
ما اخبر انه لو احاول جنّب العين و نساني
و الحزن من كثر مابي صار في وجهي مِريّه
 من بغى يرثي يجي يلدّ في وجهي ورثاني
و الجروح ان قلت طابت باقيه بالقلب حيّه
تغلي بداخل فؤادي و احتملها لو اعاني
و الشموع اللي بدربي نورها كانت بيديّه
انطفت ياويل قلبي و اشعلت نار المعاني
و الأمل من بعد حبي صارلي حد المنيّه
عفت انا دنيا تقلب ضايع فيها مكاني
و السحاب اللي بسمايه يبخل بقطره نديّه
ضاميه جيته ابا اروى علقمة هل و رواني
و النجوم اللي تخاوي من شكت ضيم الأسيّه
شفتها في نور شمس ضيّها ياما كواني
و البحر رغم انه اللي شايل احزان البريّه
ماقدر يحمل همومي صد في خوف و جفاني
و الزهر يومه بقلبي خابر انفاسه شذيّه
انذهل مما جرالي وحرّم يعيش بكياني
و قلبي اللي ماتركني نمشي الدنيا سويّه
دايم عني يقفي يبتعد مايوم جاني
و الونين اللي اونّه اسمع بقلبي دويّه
ارتجيت الحب مره و اثر عمره ما رجاني
علموني وش حياتي دامني فيها ضحيه
جد وشهي ؟؟ دام قلبي ماقدر يفرح ثواني
و علموني دام نفسي بالحزن صارت شقيّه
بين كل الناس ابسأل ياترى وشهو مكاني ؟؟

هناك 6 تعليقات:

  1. اولا لما هذا الحزن الكبير
    ثانيا استفسار هو مكتوب باللهجة العامية السعودية لان هناك بعض الكلمات لم افهمها
    كلمات جميلة و خالص تحياتى

    ردحذف
  2. يا الله لماذا هذا الشجن والحزن الذي يقطر من كلماتك حبيبتي
    بتمني قريبا يزول
    تحياتي لك

    ردحذف
  3. أزال المؤلف هذا التعليق.

    ردحذف
  4. ابراهيم يب هوا مكتوب بالعامييه
    اسعداني تواجدك
    ودي لك...

    ردحذف
  5. ان شاءالله يزول الحزن
    نورتي عزيزتي
    ودي لك

    ردحذف
  6. جميييييييييييييييييييييييييله اوى رغم ما تحمله المعانى من كلمات وحزن

    رائعة انتى حبيبتى

    تقبلى مرورى

    ايناس

    ردحذف